«Ислам дин — доккха ниIмат ду, нагахь вай цунах кхеташ делахь!ИбрахIим пайхамара шен дена и ниIмат хиларе сатийсина, Нухь пайхамара шен кIантана и хиларе сатийсина, Мухьаммад пайхамара (ﷺ) шен девешина и ниIмат хиларе сатийсина.Ткъа АллахIа, вай дехна а доццушехь, я и хиларе сатийсина а доццушехь делла вайна и ниIмат». «Баккъалла а, АллахI адамашца Комаьрша […]

Имам Ибн Ражаба (АллахIа къинхетам бойла цунах) аьлла: «Маьлхан йовхонехь волчо шена дагаяийта еза, къемат дийнахь цу маьлхан хир йолу йовхо. Бакъдолуш, малх, къемат дийнахь нехан кортошна улле тIе балор болуш бу». ЛатIа́ифул-маIа́риф, 321.

«ГIалат ца долу адам хила ма гIерта, иза хила йиш йоцург ду. Мелхо а, шен гIалатех Iемаш долу адам хила хьо, иза сийлахь адам ду хьуна».

Шайхул Ислам ибн Таймийяс (АллахIа къинхетам бойла цунах), аьлла: «ДоIанна юьххьехь а, юккъехь а, цуьнан чаккхенгахь а пайхамарна (ﷺ) салават диллар – дерриге доIина жоп хиларга сатуьйсийла йолчу бахьанех уггаре а чIогIа бахьана ду». Икътида́ъус-сира́тIил-мустакъийм, 2/249.

«Вочу нигато санна стеган Iамал йохош хIумма а дац. Вон нигат а долуш, цо цхьа дика дахь, цу дикан беркат дIадера ду. Ткъа вочу нигатца адамо вон хIума дахь, цу вочу хIуман бохам а кхин а боккха хир бу». Шайх Iабдул Iазийз ат-ТIарийфий