Ахча дукха дара алий воккха ма велахь, нагахь и диканна а, Дела реза волче а хьовзош дацахь ❒ Абу Зарра (АллахI реза хуьлда цунна), аьлла: «Къемат-дийнахь ши дирхIам (сом) долучуьнга барт чIогIох хоттур бу, цхьа дирхIам долучуьнгачул». 📕 Аз-ЗухIд ли-Аби Давуд, 186.

Хьайн майрачуьн дага тIе боьду некъ безахь -Цуьнан доттагI хила. -Цуьнан белхана сагатдеш хила. -Цо сагатдечу гIуллакхашна сагатдеш хила. -Цуьнан диканехь-вонехь цунна накъост хила. -Цуьнга тапъалий ладугIуш а, харц дерг ца дуьйцуш а хила хьо!

Хьекъалчо аьлла: «Нахалахь уггаре вон гIиллакх долуш верг — хьуна ша оьгIаз вахча хьан сийнна тIекхийдаш, хьан къайле яржош, хьоьх доцург дуьйцуш верг ву».

Имам Ибнул-Къаййим ал-Жавзийс (АллахIа къинхетам бойла цунах), аьлла: ❏ «Шен баланаш, гIайгIанаш совдевлачо «Лá хьавла ва лá къуввата иллá биллáхI» алар совдоккхуьйла». МаьIна: «Ницкъ а, гIора а дац, АллахIехь бен». 📕 Зáдул-маIáд, 4/183.

Цхьана адамах вай кхераделча, цунах довду вай, амма АллахIах вай кхийрича, Цунна гергадоьлху вай. Иштта, адаме цхьаъ доьхучу хенахь коьртеш охьатаIадо вай, амма АллахIе вайн хьашташ доьхучу хенахь вайн коьртеш стигал хьалаойъу вай! Сан Дела! Массо кхачам бацарех ЦIена ву-кх Хьо, ма йоккха ю-кх Хьан комаьршо!