«Говраш хохкучу майданахь, говраш шаьш чаккхенга кхача гергаяхача, шайгахь мел болу ницкъ тIебохуьйту, вукхарел хьалха дIакхача гIерташ. Ткъа, говраш хьайла а хьекъале ма хилийталахь! ХIунда аьлча, Iамалш чаккхене хьаьжжина ю хьуна». Имам Ибнул-Жавзий (АллахIа къинхетам бойла цунах). […]
|
|
||
 |
Шайхул Ислам ибн Таймийяс (АллахIа къинхетам бойла цунах), аьлла: «Цхьаммо а АллахIан къинхетамах дог дилла мегар дац, шен къинош мел даккхий хиларх а». 📕 МажмуIул-фатава, 16/19. Цхьаболу нах, лайлатул-къадр буьйса цхьана сахьтехь я буьйсан кхозлагIчу декъехь ю олий кхета, ткъа иза гIалат ду. Лайлатул-къадр буьйса малх чубуьзча дуьйна Iуьйра хан хиллалц ю. Сийлахьчу АллахIа аьлла: «И маршо лаьтта сатассалц». Сурат «Ал-Къадр», 5 аят. Лайлатул-къадр буьйса маца ю хаийта араваьлла хилла АллахIан элча (саллаллахIу IалайхIи васаллам), тIаккха къийсалуш цхьа ши стаг а гина йицъелла цунна иза маца хуьлу. Масне дика а, беркат а дIаоьцу вайна юкъара, вайна хаа а ца хууш, къийсадалар а, дегнаш чохь хьагI-гамо а хилар бахьана долуш. Шайх Мухьаммад Салихь ал-Мунажжид Шайх Ибн Базáс (АллахIа къинхетам бойла цунах), аьлла: «Рамадан беттан тIаьхьара итте буьйса денйинарг, лайлатул-къадр буьйсане кхочур ву». 📕 МажмуI фатáвá, 15/430. Имам Ибнул-Къаййим ал-Жавзийс (АллахIа къинхетам бойла цунах), аьлла: «Бусалба стаг шен бусалба вешина гечдар доьхуш хила веза: «Сан Дела! Суна а, сан дена-нанна а, бусалба божаршна а, бусалба зударшна а гечде Ахь» — олуш. Цхьаболчу салафша и доIа хIора дийнахь дар дика лоруш хилла». 📕 Мифтахьу дарис-саIáдахI, 1/339. Рамадан бутт — шена чохь доlанашна жоп луш болу бутт бу. Ма хийлаза доIанна жоп делла-кх (АллахIа) Рамадан баттахь. Ма хийлаза сатийсам кхочуш хилла-кх Рамадан баттахь доlанаш дарца. Ма хийлаза боккха бала тIера дlаайбина-кх Рамадан баттахь доlанаш дарца. Ма хийлаза доьхучарна шайн хьашташ кхочуш хилла-кх Рамадан баттахь доlанаш дарца. Шайх СултIáн ал-Iумайрий. Лераме бусалба вежарий, йижарий! Къинхетаман бутт тIебеа вайна. Жоьжахатих хьалхадуьту бутт тIекхечи вайна. Вайга кхойкхуш кхайкхамча ву: «ХIай диканиг лоьхуш верг, схьавола, хIай вониг лоьхуш верг юхавала» — бохуш. АллахIа диканиг лоьхучарех дойла вай, Дала беркате бойла вайна хIара сийлахь бутт! @islamanserlo Яхья Ибн МуIáза (АллахIа къинхетам бойла цунах), аьлла:: ❒ «Адам делча цуьнан даьхнех (ахчанах) ши бала хуьлу цунна». Цуьнга хаьттина: «ХIун ши бала бу и шиъ?» ТIаккха МуIáза жоп делла: «Деригге даьхни дIа а доккху цуьнгара. Деригге даьхнех барт а хотту цуьнга». 📕 Сифатус-сафвати, 2/293. IабдуллахI Ибн МасIуда (АллахI реза хуьлда цунна) аьлла: ❒ «Хьайна ца хуург ца хаа алар — Iилма ду» 📕 Сахьих ал-Бухарий, 4774. |
|
|
© 2008 - 2025 ИС - All Rights Reserved Powered by WordPress & Atahualpa |
||