Абу Давуда (АллахIа къинхетам бойла цунах), аьлла: «Со Курз ал-Хьарисий волче ваханчу хенахь воьлхуш карийра суна иза. Ас элира цуьнга: «Хьо стенна воьлхуш ву?». Цо элира: «Сийсара (айса Iадатехь доьшуш хилла долу) Къуръан тIера дакъа ца дешна ас. Ткъа и цадешар бахьана, ас латийна къа бен ма ца хета суна»». Хьилятул-авлияъ, 5/79. […]

Сийлахь-Везачу АллахIа аьлла: .وَتَوَكَّلْ عَلَى الْحَيِّ الَّذِي لا يَمُوت «Ахь болх тIебилла цкъа а лийра воцучу, дийначунна (АллахIана)…» ал-Фуркъа́н, 58 аят. Сулайман ал-Хавва́са (АллахIа кьинхетам бойла цунах) аьлла: «И аят шена хезначул тIаьхьа, цхьана а лена мегар дац, шен балхехь АллахI воцучунна кхин цхьанне а тIетовжа». 📚 Та́риху Димашкъ, 72/249. […]

«Хьайн дех-ненах хьо къастталца, церан мах ца хаьа хьуна. Цундела, ишиъ дийна долччуьра, алсам пайда эца цаьршиннах! Дика хила цаьршинца, церан гIуллакхе хьажа, цара бохучунна муьтIахь хила!». Шайх láид ал-Къарний

Имам Ахьмад Ибн Хьанбале хаьттина хилла: «ХIай Имам! Дегнаш хIун дича кIадло?». Имама жоп делла: «Юург-мерг хьанал хилча кIадло» — аьлла. Хьилятул-авлияъ, 9/182.

Цхьа стаг IабдуллахI Ибн Мубаракан тIе а веана, шен кIанта аьлларг ца до шена бохуш арз деш хилла. ТIаккха Ибн Мубарака хаьттина цуьнга: «Цунна вон доIа* диний ахь?» — аьлла. Стага аьлла: «ХIаъ, дина». ТIаккха Ибн Мубарака аьлла: «Хьада дIавало, айхьа талхийна ахь иза». *Вон доIа — иза дайша-наноша шайн доьзалхочунна дуьхкуш долу сардамаш […]