Цхьа стаг IабдуллахI Ибн Мубаракан тIе а веана, шен кIанта аьлларг ца до шена бохуш арз деш хилла. ТIаккха Ибн Мубарака хаьттина цуьнга: «Цунна вон доIа* диний ахь?» — аьлла.
Стага аьлла: «ХIаъ, дина».
ТIаккха Ибн Мубарака аьлла: «Хьада дIавало, айхьа талхийна ахь иза».
*Вон доIа — иза дайша-наноша шайн доьзалхочунна дуьхкуш долу сардамаш ду. Масала: «Дала хIаллакьвойла хьо, маьрша ма лелийла хьо, са хуьленга ма волийла хьо», кхин а масне ду уьш, вайн къомана юкъахь матте а дирзина, къаьсттина дайша-наноша оьгIузбаханчахь олуш долу.