17 — Сурат Альисрáъ [Дéхьаваккхар].
[Маккахь доьссина ‚ 111 аят ду].
Аллах1а ц1арца къинхетаме , къинхетам беш волчу .
1.Ц1ена ву Шá Шен лай [Мухьаммад] буьйсанна [цхьана муьрехь] «Xьарам» [дихкинчу] маьждигéра «Акъсá» [гéнарчу] маьждиге дéхьаваьккхинарг , шá Оха шéна гóнаха беркат дина долчу , Тхаьш цунна гайтархьама Тхан [яккхийчу] билгалóнашха [инзаре билгалóнаш] . Баккъалла а И [Аллах1] ву Иза хезаш , гуш [верг].
2.Оха делира Мýсáга жайна , Оха дира и [жайна] Исрáилан к1енташна нийса некъ :»Аша ма лáца Со [1адда] витина [кхин] векал [вéрас] ,
3.[х1ай] Оха Нýхьаца [х1орд-кéманахь] баьхьначéран т1аьхье ! Баккъалла а и [Нýхь] хилла баркалле лай» [аьлла].
4.Оха д1ахаийтира Исрáилан к1енташка жайнахь :»[Дéлора] Аша бóхам бийр ма бу лаьттахь шозза , шу [курадевлла] айъалур ма ду [Аллáх1ана муьт1ахь хиларх] доккхачу айъадаларца».
5.Цаьршиннах [бóхамашха] хьалхарчун ч1áг1о еача , Оха шуна т1е хьовсийра Тхан лайш , ч1óг1ачу буьрсаллийн дай болу , уьш [ницкъаца] чекхбоьвлира [шун] х1усамашкахула , и яра кхóчушйина [яьлла] ч1áг1о .
6.Цул т1аьхьа Оха шуна юхабелира царна т1ехь тóлам , Оха белира шуна бáхамаш а , к1ентий а . Оха дира шу б1ана алссам .
7.Аша [муьлхха] дикадича , шайн дог1машна дикадина , [ткъа] аша вóндича , [иза а] цаьрна [шун дог1машна] ду . Т1аьхьарчун [шолг1ачу бóхаман] ч1áг1о еача , [Оха шуна т1е хьовсийра цхьа лайш] цаьрга шун яххьаш вон [г1айг1ане] яйтархьамá а , уьш [бóхамца] маьждиг чубахийтархьамá а , уьш [хьалха] дуьххьара цу чу ма-баххара , цаьрга дóхадайтá а шаьш [ницкъаца] к1елдитинарг дóхадарх а .
8.Шун Дéла герга ву Шá [уьш бухатóхарца] шух къинхетам бан . Ткъа шу [бóхамашка] духадерзахь , Тхо а духадоьрзур ду [та1заршка] . Оха йина жоьжахати [Дéлах] цатéшачарна [гóлаьцна] набахти .
9.Баккъалла а , х1окху Kъуръáно шá и уггар нийса долчуьнга а вуьгу , шаьш диканаш дечу муъманáхана кхаъ а боккху — баккъалла а царна йоккха ял хиларца а ,
10.баккъалла а шаьш эхартах цатéшарш — Оха царна лазош долу 1áзап кечдина хиларца а .
11.Адамо [Дéле] вóниг доьху [шá сихделлачохь] , шá диканиг ма-деххара , адам [шен кхолламехь] сиха хилла .
12.Оха йина буьйсá а , дé а [шуна] шиъ билгало , Оха д1айоккху буьйсéнан билгало [и д1атилорца] , Оха йо дийнан билгало серло луш , шоьга [цу чохь] шайн Дéлера комаьршо [рицкъа] лахийтá а , шерийн дагардалар а , хьéсап а шуна хаийтá а . Оха даьстина [билгалдина] и массо а х1ума дастарх а [кхáчаме]
13.Х1óр адамна шен кóча дóжийна Оха цуьнах даьлларг . Къéмата дийнахь Оха лур ду цунна д1адаржийна [долуш] цо шá схьаоьцур долун жайна .
14.[цуьнга эра ду] «Дéша [айхьа] хьан жайна ! Тоьар ду [хьýна] хьан дег1 тахана хьýна т1ехь лáрарехь [хьéсап дарехь]».
15.Шá нисвелларг , баккъалла а шен дéг1ана нисло , ткъа шá тилларг , баккъалла а шéна туьлу . Ца хьо хьучо кхéчун [къинан] мохь . Тхо ца хилла [цхьаннé а] 1áзапдеш Тхаьш [царна] элча вахийтталц .
16.Тхуна лиъча цхьа юрт х1аллак ян , Оха [Тхайна муьт1ахь хиларца] омaр до цуьнан хьóладайшка , ткъа уьш пéсакъ [дàстамалле] хуьлу цу чохь , т1аккха цунна т1ехь хьакъ хуьлу [1áзапан] дош , т1аккха Оха йóхайо и йóхаярх а .
17.Хийла чкъоьрнаш [къаьмнаш] х1аллакдина Оха Нýхьал т1аьхьа . Хьан Дéла тоьуш ву Шен лайшин къинош довзарехь , гарехь .
18.Шá сиханиг [дуьне] дéзаш хилларг [милла велахь] , Оха сихдина цунна цу чохь шá Тхайна луург Тхайна [сихдан] луъчунна , цул т1аьхьа [эхартахь] Оха йина цунна жоьжахати — шá цу чувоьдуш [шен] юьхьйóхуш [бехк бóхуш , шéна] г1éло еш .
19.Ткъа шá эхарт дезнарг , шá [Дéлах] тéшаш волуш цунна [эхартна] хьéга ма-дезза къахьегнарг , уьш — цéран къахьéгар баркалле [мéле] хилла .
20.Оха лур ду [цáрех] х1óраннá а — х1окхарнá а , вукхарнá а хьан Дéлан даларха [рицкъанах] . Хьан Дéлан далар [рицкъа] ца хилла [Цуьнан лайшха цхьаммо а] дихкина [духатоьхна , уьш 1éса хиллехь а].
21.Хьажа мýха тóлийна Оха цáрех цхьаберш вукхаьрна т1ехь [дуьнéнан хьéлашкахь] . Эхарт даржашнá а доккха ду , тóлорехь а доккха ду [дуьнéнал а].
22.Ма вé Аллах1аца кхин дéла , т1аккха хьо охьахаа [хьайгара] бехк боккхуш , [г1оьнча вóцуш] д1атесна .
23.Хьан Дáла омaр дина , ашa Шéна бен 1ибáдат ца дарцá а , дéца-нéнаца дика хиларцá а . Ткъа цаьршиннах цхьаъ , я ший a хьуна гергахь доккхалле [къáналле] кхáчахь , ахьа ма áла цаьршинга :»Офф-фай» , цаьршинна т1е ма чéха , ахь áла цаьршинга г1иллакхе [хаза] дош .
24.К1éда-мерза хила цаьршинца къинхетамна , ахь áла :»Х1ай сан Дéла ! Къинхéтам бéхьа цаьршиннах , жима волуш цаьршиммa со [къахéташ] кхиа ма-варра !»
25.Шун Дéла [массáрел] дика хууш ву шун дог1машкахь дерг . [нагахь санна] Шу дика нах хилахь , баккъаллá а Иза хилла [дохко а бевлла] т1ебоьрзучарна гечдеш .
26.Ахьа д1ало шен хьакъ гергарло долчуннá а , мискачуннá а , нéкъахочуннá а , [амма] ма дайъа [и даьхний] кхоамаза [т1áламаза].
27.Баккъаллá а [х1уманна] кхоам [т1áлам] бóцурш — шайт1анашин вежарий хилла , ткъа шайт1а шен Дáлла керста хилла .
28.Хьо цáрех д1аверзахь , хьан Дéлан къинхетам лоьхуш , ахьа шéга сатуьйсуш болу , ахьа цаьрга áла дай [к1éда] дош.
29.Ахьа ма дé хьан куьг [сутараллийна] хьан логах дихкина [долуш санна] , д1á а ма хéца и [кхоамаза] дерригé а даржорца , т1аккха хьо охьахаа [хьан] бех боккхуш , г1айг1ане .
30.Баккъалла а хьан Дáла рицкъа д1á а хоьцу Шéна луучунна , юхá а ýзу [цунна] . Баккъалла а Иза ву Шен лайш бевзаш , гуш .
31.Аша ма дайъа шайн бéраш къоьллех кхéрарна . Оха ло рицкъа царнá а , шунá а . Баккъалла а уьш байъар доккха къа ду .
32.Нáхаца лéларна [зинáна] герга ма г1о . Баккъалла а и [зинá] дàстамаллá [боьханиг] а хилла , нéкъéхьá вон а хилла [и некъ].
33.Аша ма дé Аллах1а шá [дер] дихкина [долу] дег1 бакъонца бен . Шá зуламца вийнарг [милла велахь] , бакъдолуш Оха цуьнан велийна елла [ч1ир эца] бакъо , [шар1ан дóзанал] т1ех ма вóлийла и [вели шá ч1ирца стаг] вéрехь . Баккъаллá а иза хилла [шéна Дéлера] г1о долуш .
34.Бóбéран бáхамна герга ма г1ó , шá и [цунна] тоьлуш долчунца бен , иза шен г1éметта х1отталц , ч1áг1ам [барт] кхóчуш бé , баккъалла а ч1áг1ам хилла [шех] жоп доьхуш .
35.Кхоччуш лéладé дустар шаьш дуьстича , нийсачу терзанца óза , и тоьлуш а , вуно дикá а ду [шуна] дерзарехь .
36.Хьо т1аьхьа ма х1отта шéца хьан хаар дóцучунна . Баккъалла а хазар а , гар а , дог а — уьш дерриге хилла [къéмата дийнахь] шех жоп доьхур долуш .
37.Хьо ма лéла лаьттахула воккхавуьйш [дозаллийца] , баккъалла а ахьа лаьттана чекх 1уьрг доккхур дац , [я] хьо лаьмнашка кхóчур вац локхаллехь .
38.И [хьахийна] дерриге — цуьнан вон хилла хьан Дáлла гергахь цадéзаш .
39.И [дéкхарш] — хьан Дáла хьоьга кхéтамах хьехначух ду , ахьа ма вé Аллах1аца кхин дéла [дéкъахо] , т1аккха хьо жоьжахати кхосса [хьан] бехк боккхуш , [г1оьнча вóцуш] д1атесна .
40.Шун Дáла шу к1енташца къастийна тов , шá малийкех зудбéраш [шéна доьзал] эцна [лаьцна] ? Баккъалла а аш áла ма óлу доккха [къилахь] дош .
41.[Дéлора] Бакъдолуш , Оха билгалдина [х1ара маь1ан] х1окху Kъуръáн чохь , цаьрга [цуьнах] хьéхам эцийтархьама , [амма] цо уьш сов ца бóху [бакъóнах] къахкарехь бен .
42.Ахь áла :»Цуьнца хилча кхин дéланаш , цáра ма-áллара , т1аккха цáра лохур ма бара «1аршан» дéна т1е [боьду] некъ».
43.Ц1ена ву Иза , лакхаваьлла Иза цáра [Шен хьокъехь] óлучух йоккхачу лекхалле .
44.Цунна теспахь до варх1 стиглано а , лаьтто а , цаьрна чохь [мел] волчо а , цхьá х1ума дац Цунна хастам барца теспахь деш бен , делахь а шу ца кхéта цéран теспахьах , баккъалла а Иза ву эсала , гечдеш .
45.Ахьа Kъуръáн дешча , Оха йина хьýна юккъехь а , шаьш эхартах цатéшачарна юккъехь а хьулйина дуьхьало .
46.Оха дина цéран дегнаш т1ехь пардóнаш , уьш цуьнах [ца] кхéтийтархьама , цéран лергаш чохь къоралла [ч1óг1алла йина] . Ахьа хьан Дéла хьахийча Шá цхьаъ , уьш букътоьхна д1абирзира [цуьнах] къаьхкина .
47.Тхуна т1ех дика хууш ду цáра шéца [Kъуръáне] ладóг1ар [хьал] , хьоьга цáра ладýг1учу хéнá , [цéран къамел а] уьш къайлаха бист хуьлучу хéнá , зуламхоша óлучу хенá :»Шу т1аьхьа ма ца х1уьтту [шéна] бозбуанчалла лéлийначу стагана бен».
48.Хьажал цáра хьайна масалш мýха дáлийна , [нийсонах] тилла уьш [оцуьнгахь] , [цундéла] цéран ницкъ ца кхóчу [нийса] некъ [каро].
49.Цáра элира :»Ткъа тхоьх [деллачул т1аьхьа] даь1ахкаш а , чан [латта] а хилча , баккъалла а тхо [дендина] г1овттор ду тов керлачу кхолларехь ?»
50.Ахь áла [цаьрга] :»Шу хила т1улг , я эчиг ,
51.я шун кийранашкахь доккха долчух [долу] цхьа халкъ !» Цáра эра ду :»[т1аккха] Тхо [дáхаре] хьá духадерзор ду [дендина] ?» Ахь áла [цаьрга] :»Шá шу [х1уммá дóцучух] дуьххьара кхоьллинчо [дерзор ду». Шайн кортош [хьала-охьа] тé1ор [лестор] ду цáра хьоьгахьá [цабéшаш] , цáра эра ду :»[ткъа] Маца ду и [тхо г1овттор] ?» Ахь áла :»Кеста хила герга ду и».
52.Оцу дийнахь Цо кхойкхур ду шу , [т1аккха] аша жоп лур ду Цунна [теспахь деш] хастам барца , шуна хéталур ду шаьш [дуьнéнахь] к1еззиг бен ца 1ийна [аьлла].
53.Ахь áла Сан [муъма] лайшка , цáра óлийла [керстане] шá и тоьлуш [дика] дерг . Баккъалла а шайт1ано царна юккъе дов туьйсу . Баккъалла а шайт1а , адамна билггал мостаг1 хилла .
54.Шун Дéла т1ех дика хууш ву шух дерг . Шéна лаахь къинхетам бийр бу шух , я Шéна лаахь 1áзап дийр ду шуна . Оха хьо ца вахийтина [имдиллар] царна т1ехь [ницкъаца т1едóжо] векал [вина].
55.Хьан Дéла т1ех дика хууш ву стигланашкахь а , лаьттахь а болчáрех дерг . [Дéлора] Оха бакъдолуш тóлийна [базбина , къастийна] цхьаболу пайхамарш вукхаьрна т1ехь [цхьайолчу билгалóнашкахь] . Оха делла Дáвуде Забýр [жайна].
56.Ахь áла [цаьрга] :»Аша [орца] кхайкха шаьш И [Аллах1] витина [дéланаш] лéриначаьрга . Цéран дóлахь [ма] дац шух зен д1аайъар а , дац [кхéчуьнга и] д1ахьовзор а».
57.И шаьш цáра [шайга] кхойкхурш , шаьш а бу шайн Дéле гергалла лоьхуш , муьлха ву [и] шайха [Дáлла] т1ех герганиг [хаа г1ерташ] , Цуьнан къинхетаме догдóхуш , Цуьнан 1áзапах кхоьруш . Баккъалла а хьан Дéлан 1áзап , [шех] ларвала вéзаш хилла .
58.Цхьá а юьрт [ма] яц , Оха шá къéмата дийнал хьалха х1аллак йийр йолуш бен а , я [Оха] шéна буьрса 1áзап лур долуш бен а . И хилла жайнахь д1аяздина .
59.Тхо совца [ма] ца дира áяташца [элчанаш] бaхкийтарха , [цáрел] хьалхалéрачáра уьш харцдаро бен . Оха елира Самýдашна эмкал [шех царна Дéла цхьаъ хиларна т1ехь] гайтаме масал [дина] , [амма] уьш цуьнца зуламе хилира . Оха ца бохкуьйту áяташца , кхéрамнá бен .
60.Оха элира хьоьга :»Баккъалла а хьан Дáла [урхаллин] гó бина нáхана». Оха ца дина Тхаьш хьýна гайтина долу гар а , Kъуръан чохь [шá дуур долучарна] не1алт аьлла [долу] дитт а нáхана зер [дина] бен . Оха [цуьнца] кхéрам туьйсу царна , [амма] цо уьш сов ца бóху [кхин] дукха бaхбаларехь [т1ехбийларехь] бен .
61.Оха [Áдам кхоьллинчу хéна] малийкашка элира :»[лáрамца] Охьата1а Áдамна !» Т1аккха охьатаь1ира уьш [дерриге , цхьа] Иблис дóцург [куралла йира цо] , цо элира :»Со охьа [муха] таь1а ткъа Ахьа шá поппарх кхоьллинчуна ?»
62.Цо [Иблисо] элира :»Х1ара Ахьа шá соьл вазвинарг [тóлийнарг] гиний Xьуна ? [Дéлора] Ахьа со къéмата дийнналц т1аьхьататтахь , аса дáкъаза йоккхур ма ю цуьнан т1аьхье , [цáрех] к1еззиг бóцурш».
63.Цо [Дáла] элира :»Д1адоло ! Цáрех шá хьýна т1аьхьах1оьттинарг [милла велахь] , баккъалла а жоьжахати шун [мáссеран а] бéкхам бу , [шá] кхоччуш [болу] бéкхам .
64.Карзахаваккха хьайн óзаца цáрех хьан ницкъ кхóчург , д1агулбé царна дуьхьал хьайн бéреш а , хьан г1ашлой а , дáкъалáца цаьрца бáхамашкахь а , доьзалшкахь а , ч1áг1о йé царна . Шайт1ано царна ч1áг1о [ма] ца йо , 1éхоран [ч1áг1о] бен .
65.Баккъалла а Сан [дика] лайш , хьан дац царна т1ехь куьйгалла . Хьан Дéла тоьур ву [царна] векал».
66.Шун Дéла — Шá шуна х1орд чохь кéманаш лéлóриг ву , шоьга Шен комаьршóнах [сá] лахийта . Баккъалла а Иза хилла шоьца къинхетаме .
67.Х1орд чохь шух [цхьа] зен хьакхаделча , аша шайга [х1инццалц] кхойкхурш д1абов И [цхьа Аллах1] вóцург , ткъа Цо шу к1елхьарадаьхча [хин йистера] лаьтта т1е , д1адирзира шу [Цуьнах] . Адам баркал дóцуш [ма] хилла .
68.[шаьш хих к1елхьарадаьхча] Шу маьрша девлла ткъа , Цо шоьца [цхьана] лаьттан йист чуйóжийтарх , я шайна т1е Цо [т1улгийн] дарц даийтарх — т1аккха шуна карор вóцуш шайна [т1ехотта] векал ?
69.Я шу маьрша девлла ткъа , Цо шу оцу [х1орд] чу кхин цкъа духá а дерзийна , шуна т1е механ [ц1ог1ане] дарц даийтарх , т1аккха Цо шу хин буха дахийта шу [Дéлах] цатéшарна — т1аккха шуна шайна карор вóцуш цуьнца Тхуна т1аьхьавáла дá ?
70.[Дéлора] Бакъдолуш , Оха лéрам бина Áдаман к1ентийн , Оха лéлийна уьш лаьтта т1ехь а , х1орд чохь а [царна пайденна] , Оха рицкъа делла царна ц1енчáрех , Оха тóлийна уьш тóлóрах а Тхаьш кхоьллинчáрех дукхачарна т1ехь .
71.Оцу дийнахь Оха кхойкхур бу массó а нах шайн баьччанца [имáмаца] , ткъа шен тептар аьтту куьйга делларг [милла велахь] , уьш — цáра доьшур ду шайн тептар , царна [хурман] хьáсанал зулам дийр [ма] дац .
72.Ткъа шá х1окху [дуьнéна] чохь б1аьрзе хилларг , иза [иштта] эхартах а б1аьрзé а , нéкъехьá т1ех тилларг а [хир] ву .
73.Баккъалла а уьш герга бара хьо [1éхийна] д1ахьовзо Оха шá хьоьга хьехначух , хьоьга Тхуна т1ехь и дóцург кхоллийтархьама , т1аккха [ахь и дича] хьо лóцур [ма] вара цáра доттаг1 [вина].
74.Оха хьо ч1аг1 ца винéхьáра , хьо герга ма вара царна цхьа жимма т1етовжа .
75.Т1аккха Оха хьоьга 1овшуьйтур ма дара шалха [1áзап х1окху] дуьнéнахь а , шалха [1áзап] велчи а , цул т1аьхьа хьуна карор вáцара Тхуна дуьхьал хьайна г1оьнча .
76.Баккъалла а уьш герга бара хьо [хьан] лаьттара [махкара] къахко , шаьш хьо цу чуьра áраваккхархьама , т1аккха [цáра и дича] уьш [цу чохь] лаьттар ма бáцара хьоьл т1аьхьа жимма [к1еззиг] бен .
77.Бакъдолуш Оха хьоьл хьалха Тхан элчанашха бахкийтанчéран лáмаст [хьал] ду и , хьýна карор дац Тхан лáмастана хийцар .
78.Ахьа [х1отта] дé лáмаз а малх [делкъана] д1атоьвжинчул т1аьхьа буьйсéнан бóданалц , садаржаран Kъуръан [дéшар] а , баккъалла а садаржаран Kъуръан [дéшар] шен [малийкех] теш волуш хилла .
79.Буьйсанна [1уьйкъа лáмазна] г1атта цуьнца [Kъуръан дéшарца] хьайна [диканехь] сов вóлуш . Хьан Дáла хьо вилла тарло хастамéчу меттиге .
80.Ахь áла :»Х1ай сан Дéла ! Ахьа чувахийтахь со бакъдолчу чувóлийлах , áраваккхахь со бакъдолчу áравóлийлах , бéхьа суна Хьайна гергара [суна] г1оден ницкъ .
81.Ахь áла :»Бакъдерг деана , харцдерг д1адаьлла , баккъалла а харцдерг д1адóлуш хилла».
82.Оха доссадо Kъуръáнах муъманáхана шá дарбá а , къинхетам а берг , [ткъа] зуламхой цо сов ца бóху эшамехь бен .
83.Оха [керста] адаме [диканца] зовкх хьéгийтача , [пусар дарха] д1адоьрзе [дозаллийца] гéнадóлу и [Тхоьх] , [ткъа] шех [цхьа] вон хьакхаделча , [Дéлан къинхéтамах] догдиллина хуьлу и .
84.Ахь ала :»Массо а ву шен куьцара 1амал еш , [ткъа] шун Дéла т1ех дика хууш ву мила ву и [шух] нéкъехь уггар нийсаниг».
85.Цáра хьоьга хоьтту синах [лаьцна] , ахь áла [цаьрга] :»Са — сан Делан г1уллакхех ду . Шуна ца делла [и довзар] 1илманах к1еззиг бен».
86.[Дéлора] Тхуна лиънехьáра Оха [тептарш чуьрá а , дегнаш чуьрá а] д1атилийна [д1адайъана] хир ма дара Тхаьш [Kъуръáнах] хьоьга хьехнарг , т1аккха хьуна карор вáцара цуьнца [и юхадерзорца] Тхуна т1ех1отто векал ,
87.хьан Дéлера къинхетам бóцург , баккъалла а Цуьнан комаьршо йоккха хилла хьуна т1ехь
88.Ахь áла :»[Дéлора] Адамаш а , жинаш а гулделча х1ара Kъуръáн саннарг дарна т1ехь , цáра дийра ма дáцара и саннарг , цáрех цхьаберш вукхаьрна г1оьнчий хилчá а».
89.[Дéлора] Бакъдолуш Оха билгалдина [юх-юха дáлийна] х1окху Kъуръан чохь массó а масалх [долу масал , амма] адамашха дукхахболчáра [и дерриге а] юхатуьйхира [цхьа бакъдолчух] цатéшар дóцург ,
90.цáра элира :»Тхо хьоьх тéшар ма дац , ахьа тхуна лаьттах хьаст [шовда] дáккхалц ,
91.я хьан хурманийн а , кемсийн а беш хиллалц , [т1аккха] ахьа цуьнан юккъехула тáтолаш дáладаллалц ,
92.я ахьа тхуна т1е стигал кескашкахь йóжаяллалц айхьа ч1аг1 ма-дарра , я хьо Аллах1ацá а , малийкашцá а [тхуна] хьалха схьаваллалц ,
93.я хьан дешица кхéлина ц1éно хиллалц , я хьо стигал хьалавáллалц , [ткъа] тхо тéшар ма дац хьан хьалавáларх ахьа тхуна т1е жайна доссадаллалц , оха шá доьшур долу». Ахь [цаьрга] áла :»Ц1ена ву сан Дéла [аша кхуллучух] . Хиллий ткъа со адам элча бен ?»
94.Нах [цáрех дукхахберш] ца совцийра [Дéлах] тéшарха , царна нийсо еанчу хéна , цáра áларо бен :»Аллах1а адам даийтина элча [дина] ?»
95.Ахь áла [цаьрга] :»Лаьттахь маьрша лéлаш малийкаш хиллехьáра , Оха стиглара малик доссор ма дара царна т1е элча [дина]».
96.Ахь áла :»Аллах1 тоьур ву сунá а , шунá а юккъехь теш [хиларехь] . Баккъалла а Иза , Шен лайш бевзаш , гуш ву».
97.Шá Аллах1а [нийсачу новкъа] нисвийриг , иза ву [цу т1ехь] нисвелларг , [ткъа] шá Цо [цуьнах] вóхориг [тилкхазавоккхург] , хьуна карор ма бац царна И вóцург [цу т1ехь уьш нисбан] вéрасаш . Къемата дийнахь Оха гулбийра бу уьш шайн яххьаш т1ехь [болуш] , б1аьрзе , бист ца хуьлуш , къора . Цéран берзар жоьжахати ю . И [жоьжахатан ц1е] г1ел мел ели Оха сов бóхур бу уьш ц1ергахь .
98.Иза цéран бéкхам бу , баккъалла а уьш Тхан áятех ца тéшарнá а , цáра áларнá а :»Ткъа тхо [мур йоьлла] даь1ахкаш а , латтá а хиллачу хéна , баккъалла а тхо [дендина] г1овттор ду тов керлачу кхолларехь ?»
99.Царна ца гина [ца хаа] те , баккъалла а Аллах1 , Шá стигланаш а , латтá а кхоьллина волу , ницкъ кхóчуш хилар Шá уьш саннарш кхолла , Цо йина царна 1óжалла , шéгахь шéко йóцу . [амма] Зуламхóша [и дерриге а] юхатуьйхира [цхьa цуьнах] цатéшар дóцург .
100.Ахь áла :»Шун дóлахь елхьáра сан Дéлан къинхетаман хазнаш , т1аккха шу сутара хир ма дара къоьллах кхéрарна . Адам б1аьрмециг хилла».
101.[Дéлора] Бакъдолуш Оха елла Мусага исс билгала [йолу] билгало . Ахьа хатта Исрáилан к1енташка , царна и веанчу хéна Фир1авнас цуьнга элира :»Баккъалла а суна хьо [хéта] ма хéта , х1ай Муса , [хьайна] бозбуанчалла [лéлийна]».
102.Цо [Мусас] элира :»[Дéлора] Бакъдолуш хьуна [х1ай Фир1авн хаа ма] хиъна , х1орш ца йиссийний стигланийн а , латтан а Дáла бен [шайха] гайтамаллаш хилла . Баккъалла а суна хьо [хéта] ма хéта , х1ай Фир1авн , х1аллак хилла [эшна]».
103.Цунна лиира уьш [Миср] лаьттара д1алелхо [áрабаха , т1аккха] Оха хи буха вахийтара изá а , шá цуьнца [мел] верг — массо а .
104.Оха элира цул т1аьхьа Исраилан к1енташка :»Дáха [Миср] лаьттахь ! Ткъа эхартан ч1áг1о еача , Оха шу дáлор ду [цхьана] гулдина [дерриге а]».
105.Бакъонца доссийна Оха и [Kъуръан] , бакъонца [досса а] доьссина иза , Оха ца ваийтана хьо [ялсаманийца] кхаъ боккхуш а , [жоьжахати хилар] д1ахьедеш а бен .
106.Оха декъна и Kъуръан , хьоьга и нáхана дешийта меллаша . Оха доссийна и [дáкъошкахь , хьéлашка хьаьжна] доссорца .
107.Ахь áла :»Шу тéшийла цуьнах , я ма тéшийла , баккъалла а шайна цул хьалха хаар делларш , шайна и дешча ч1енигаш т1е оьгу уьш [сужде] корта бетташ .
108.Цáра óлу :»Ц1ена ву тхан Дéла , баккъалла а тхан Дéлан ч1áг1о кхóчуш йина ма хилла».
109.Ч1енигаш т1е оьгу уьш [шаьш] боьлхуш , цо [Kъуръáно , белхаро] сов боху уьш [Дáлла] муьт1ахьаллехь [хьастабаларехь , эсалаллехь]
110.Ахь áла :»Аллах1 [áле] кхайкха , я Къинхетамениг [áле] кхайкха , аша муьлха [ц1арца] кхайкхичá а , хаза ц1ераш ю Цуьнан». [т1ех] Ч1óг1á ма дé хьан лáмаз [т1ийра дéшар , дукха] меллаша ма дé и , цу [шинна] юккъехь некъ лаха хьайна !
111.Ахь áла :»Хастам бу Аллáх1ана , Шá [Шéна] доьзалхо ца лаьцначу , óлаллехь Шéна дéкъахо ца хиллачу , сийсазаллех [ларван] Шéна вéрас [г1оьнча хьашт] ца хиллачу». Вазвé Иза вазварца !
27/12/2015