16 — Сýрат Аннахьл [Накхармозий] [Маккахь доьссина ‚ 128 аят ду]
Аллах1а ц1арца къинхетаме , къинхéтам беш волчу
1.Аллах1ан омар [герга] деана , аша сих ма дé иза [хéнал хьалха] . Ц1ена ву Иза , лакхаваьлла Иза цáра [Шéца] дéкъахό вечух .
2.Цо диссадо малийкаш Шен омарца [долчу] сица [хьéхамца] цхьана Шен лайшха Шéна луучунна т1е :»Аша д1ахьéдé баккъалла а [кхин] дéла вац , Со бен . Кхéра Соьх» — [áларца].
3.Цо кхоьллина стигланаш а , латтá а бакъонца . Лакхаваьлла Иза цáра [Шéца] дéкъахό вечух .
4.Цо кхоьллина адам [стеган а , зудчун а όраллин] т1адамах , т1аккха [шá анддаьлча] иза [Дáлла] билгала довхό [хилé дуьхьал дόлуш] ду .
5.Хьайбанаш а кхоьллина Цо , шуна цаьргахь [дéг1ана] йовхό а , [дáхаран] пайданаш а бу , цáрех [цхьадерш] дуу аша .
6.Шуна цаьргахь хазалла ю , аш уьш [сарахь] чудерзόчу хéнахь а , аш уьш [1уьйаранна] д1алохкучу хéнахь а .
7.Цáра д1ахьо шун маххьаш , дог1машна халонца [къинхьéгамца] бен шу шéга кхόчур доцчу махка . Баккъалла а шун Дéла [шоьх] къахéташ [верг] , къинхéтамé [верг] ма ву .
8.Говраш а , [вир] б1аьрзанаш а , варраш а [кхоьллина Цо] шу царна т1еховшийтá а , куьцаннá [хазаллийнá] а . [иштта] Цо кхуллу шуна [йовза] ца евзарг а .
9.Аллах1ан т1ехь ду нийса некъ [билгалбар] , цáрех бу хáрц-берг а . Шéна [шу нисдан] лиънехь Цό нисдийра ма дара шу дерригé а .
10.Иза ву Шá стиглара [д1ог1ан] хи доссийнарг , шуна шех [мала] малар долу , шех όраматаш [кхиар] долу , шайна т1ехь аша [даьхни] дáжош .
11.Цо хьаладόлуьйту шуна цуьнца ялтá а , зайтун [олу стом] а , хурманаш а , кемсаш а , массό а стоьмех [стоьмаш] а . Баккъалла а цу [хьахийна] чохь билгалό ма ю ойлаечу нáхана [иймáнé бáхка] .
12.Цо шуна муьт1ахь йина буьйсá а , дé а , малх а , бутт а , седарчий а ду [шуна] муьт1ахь дина Цуьнан омарца . Баккъалла а цуьнгахь билгалόнаш ма ю хьéкъалéчу [ойлаечу] нáхана .
13.Цо шуна кхоьллина лаьттахь [мел] дерг шен беснаш бес-бесара долуш . Баккъалла а цу [кхолларна] чохь билгалό ма ю хьéхам оьцучу нáхана .
14.Иза ву Шá х1орд [шуна] муьт1ахь бинарг , шоьга цуьнах ховха [керла ч1éран] жижиг даийтá а , шоьга цуьнах [жовх1арé] хазйерг хьалаяккхийтá а , аша шá [шайна] т1еуллуш йолу . Х1ордкеманаш го хьуна цу [х1орд] чохь [и] хéдош . [иштта] Шоьга Цуьнан комаьршаллах лахийтá а . Аша [Дáлла] баркалла áла тарло [цу зовкхана] .
15.Цо доьг1на лаьтта т1ехь [даккхий] лаьмнаш и [латта] шоьца меттах [ца] хьейтархьама , [иштта] тáтόлаш а , нéкъаш а [дина] . Шу нисдала тарло [шаьш лоьхучунна т1е] .
16.Билгалόнаш а [йоьг1на] , сéдарчашца нисло уьш [шайн нéкъахь].
17.Ткъа Шá [массό а х1ума] кхуллург , шá [х1уммá] ца кхуллург санна ву тов ? Шу [кхéта] ца кхéта [цуьнах] ?
18.Шу Аллах1ан зовкх дагардан х1иттича , шуна цуьнан чот тόхалур яц . Баккъалла а Аллах1 гечдийриг , къинхéтамéниг ма ву .
19.Аллах1ана хаа аша хьулдийриг а , гучудоккхург а .
20.Аллах1 [1адда] витина [нáха] шайга кхойкхурш [ц1уйш] , цáра ца кхуллу х1уммá а , [мелхό а] уьш бу [шаьш цхьамма] кхуллуш .
21.[уьш] Белла [бу] дийна бόцуш , царна хаа ца ло шаьш [денбина] маца г1овттор бу .
22.Шун Дéла — цхьа Дéла ву . [ткъа] Шаьш эхартах ца тéшарш — цéран дегнаш [и къόбал ца деш] юхатýхуш ду , кура бу уьш [цуьнах тéшарх].
23.Дéра [шéкό йоццуш] , баккъалла а Аллах1ана хаа [ма хаа] цáра [шайн дегнашкахь] хьулдийриг а , цáра гучудоккхург а , баккъалла а Цуна ца бéза куранаш .
24.Цаьрга аьлча :»Х1ун ду и шун Дáла [шá] доссийнарг ?» Цáра όлу :»Хьалхалéрачийн туьйранаш [ду]».
25.Цáра къемата дийнахь хьойла дуьззина шайн [къинойн] маххьаш а , шаьш [тилабой] хаар дόцуш [берш] тилόчéран [долчу] маххьашха [тера маххьаш] а . Ма вон [хилла] ду-кх и цáра [шá] хьуш дерг .
26.Бакъдолуш мéкарлό йира шаьш цáрел хьалха хиллачáра , т1аккха Аллах1 веара [Шен та1зарца] цéран г1ишлонна баххашкахула , шайна т1ехулара тхов т1ебуьйжира царна [шаьш бухахь буьсуш] , 1áзап деара царна шайна дагахь дόцучу áг1орхьáра .
27.Цул т1аьхьа , къемата дийнахь а сийсаза бийр бу Цо уьш , Цо эра ду :»Стенгахь бу [аша Сýна бина и] Сан дéкъахой , шаьш шайн хьокъехь шу [Соьца] къийсалуш хилла болу ?» Шайна [Дáла] хаар деллачáра элира :»Баккъалла а тахана сийсазаллá а , вон а [Дéлах] цатéшачáрна т1ехь ду ,
28.шаьш малийкаш [са эцарца] кхалхош болу [уьш] шайн дог1машна [шаьш Дéлах цатéшарна] зуламé а болуш». Мáшар кховдийра цáра :»Тхо дáцара вόчух [х1уммá] деш» [аьлла] . [царна жоп лур ду] «Х1аъ . Баккъалла а Аллах1 ву хууш верг аша [дуьнéнахь] деш хилларг .
29.Шу г1ό жоьжахатин не1арш чу , гуттар цу чохь лаьтташ ! Ма вон ю-кх курачéран боьрзийла» [аьлла].
30.Шаьш [Дéлах] кхийринчаьрга элира :»Х1ун ду и шун Дáла доссийнарг ?» Цара элира :»Диканиг [ду]». Шаьш х1окху дуьнéнахь дикадинчарна — диканиг [хир] ду. [Дéлόра] Эхартан х1усам тоьлуш ма ю . [Дéлόра] Ма дика ю-кх [Дéлах] кхоьручéран х1усам !
31.[уьш] Дáхаран [1адн] бошмаш [ю] , уьш шайна чуг1ýра болуш , шайн к1елахула тáтόлаш лéлаш йолу , царна цу чохь шайна мел дéзарг [хир] ду . Иштта бéкхам бо Аллах1а [Шех] кхоьручарна ,
32.шаьш малийкаш [са эцарца] кхалхош болу [уьш] ц1ена болуш , шаьш όлуш :»[Дéлéра] Мáршалла ду шоьга ! Шу ялсамани чуг1ό шаьш [дуьнéнахь дика] деш хиларна».
33.Шайна [са оьцу] малийкаш дахкарé бен , йа [1áзапца] хьан Дéлан омaр дáрé [бен] хьоьжий уьш ? Из-за дира шаьш цáрел хьалхарачáрá а . Аллах1а [уьш х1аллак барехь] зулам ца динéра царна , амма уьш хилира шайн дог1машна [шаьш шайна] зулам деш .
34.Царна т1едаьхкира шаьш диначуьнан вόнаш , царна гό биллира уьш шех [ца бéшаш] кхаьрдаш хиллачό .
35.Шаьш [Дéлаца] дéкъахό винчáра элира :»Аллах1ана лиънéхьара , И вόцучунна цхьанá а х1уманна 1ибáдат дийра [ма] дáцара όха , όхá а [дáцара , йа] тхан дайшá а дáцара , [йа] όха [хьáрам дина] дихкина [хир] дáцара Цуьнан [лаамца] бен х1уммá а . Из-за дира шаьш цáрел хьалхарачáрá а . Дуй ткъа элчанашна т1ехь , билгала д1акхайкхор бен ?
36.[Дéлόра] Бакъдолуш , Óха хьажийна х1όр умматна [къόманна] элча :»Аллах1ана 1ибáдат дé , йилбазна [ц1уйшна 1ибáдат дарх] гéнадовла» [áларца] . [ткъа] Цáрех ву шá Аллах1а нисвинарг а , [иштта] цáрех ву шéна т1ехь [Дáлла гергахь] тилар хьакъ хилларг а . Дуьйлалό лаьттахула , хьовса мýха хилла [элчанаш] харцбечéран т1аьхьлό [чаккxé].
37.Хьо уьш нисбаларна т1ехь [мел ч1όг1а] сутар хиларх , баккъалла а Аллах1а нис [ма] ца во Шá тилориг . Цéран бáц [шаьш 1áзапах ларбан] г1оьнчий .
38.Аллах1аца дуй биира цáра шайн ч1όг1ачу ч1áг1όнашца :»Аллах1а [денвина] г1аттор [ма] вац шá велларг» [аьлла] . Х1аъ [дéра вийра ма ву] . [Цо йина] Цунна т1ехь ч1áг1ό ю [и , шá] хьакъ [бакъ] хилла . Делахь а , дукхахболчу нáхана ца хаа [и].
39.[Дáла уьш денбийр ма бу] Царна билгалдархьамá а уьш шéгахь бéкъалург , шаьш [Дéлах] цатешначарна хаийтархьамá а баккъалла а уьш харцлуьйш хилар .
40.Баккъалла а , Óха цхьана х1уманé όлург , Тхайна и [хилийта] лиъча , Óха цуьнга :»Хила» áлар ду , т1аккха и хуьлу .
41.Шаьш Аллах1ан дуьхьа [шайн] махках бевлларш , шайна зулам динчул т1аьхьа , [Дéлόра] Óха уьш дуьнéнахь дика [меттиг елла] д1атар бийр ма бу . [Дéлόра] Эхартан ял [мел цул] йоккха ма ю , уьш [и] хууш белхьáра .
42.[уьш] Шаьш сатоьхнарш а , шайн Дáлла т1етевжинарш а [бу].
43.Óха ца бахкийтина хьоьл хьалха бόжарий [адамаш] бен , Óха шайга хьоьхуш . Ашa хатта жайнан [1илман] ох1лунга шаьш ца хууш делахь .
44.Билгалόнашцá а , жайнашцá а [баьхкийтина уьш] . Óха доссийна хьоьга жайна [Kъуръан] , хьоьга нáхана билгаладайта цаьрга [Óха] доссийнарг . [т1аккха] Цáра ойла ян мега .
45.Шаьш вόнаш динарш маьрша [парг1ат] бевлла ткъа Аллах1а шайца латта чудόжийтарха , йа шайна дагахь дόцучу áг1орхьáра [ц1аьххьана] шайна т1е 1áзап дáрах ?!
46.Йа цό [1áзапό] уьш шайн [дáхаран] керчарехь [хьаьдда-бевдда лéларехь] д1алéцарх ? Уьш [ма] бац [и Тхан 1áзап] г1όрасиз дийр болуш .
47.Йа цό шаьш кхоьруш болуш д1алéцарх ? Баккъалла а шун Дéла [шоьх] къахéташ , [шоьца] къинхетамé ма ву .
48.Царна ца гина-тé Аллах1а [тайп-тайпана] х1уманах шá кхоьллинарг , шен 1индаг1 аьтту а , аьрру а áг1орхьа тевжаш , [шá] Аллах1ана [муьт1ахь хилла] охьатé1аш , шаьш хьастаделла ?
49.Аллах1ана [сужда дарца] гор доьду шá стигланашкахь [мел] дерг а , шá дийнатех лаьттахь [мел] дерг а , [иштта] малийкаш а , шаьш куралла а ца еш .
50.Шайна т1ехулара шайн Дéлах кхоьруш , шайга дé бόхург деш .
51.Аллах1а элира :»Ашa ма лáца ши дéла ! Баккъалла а Иза цхьа Дела [ма] ву . Соьх кхéралуш».
52.Цуьнан ду шá стигланашкахь а , лаьттахь а [мел] дерг , Цунна ду муьт1ахьалла , гуттар а . Ткъа шу Аллах1 вόцучух кхоьру тов ?
53.Зовкхах шоьца [мел] дерг — Аллах1éра [кхаьчна] ду . Т1аккха шоьх [цхьа] зен хьакхаделча , Цуьнга мохь бетта ашa [орца доьхуш].
54.Цул т1аьхьа Цό [и] зен шоьх д1аайъича , т1аккха шоьх [цхьа] тόба шен Дáлла дéкъахό веш ю ,
55.Óха шайна деллачух цатéшархьама [къéра ца хилархьама] . Зовкх хьéга ашa [х1окху дуьненахь , т1аьхьа] хуур ду шуна шайна хиндерг].
56.Óха шайна деллачу рицкъанах дáкъа до цáра шайна [и зéнé хилар] ца хуучунна . Аллах1όра , шоьга [къемата дийнахь жоп] хоттур ма ду ашa [Аллах1ана т1ехь харц] кхуллуш хиллачух .
57.[малийкаш] Аллах1ан зудбераш хуьлуьйту цáра . Ц1ена ву-кх Иза . Ткъа шайна — [к1ентарех] шаьш [шéга] сатуьйсург [хоржу].
58.Цáрех цхьанна стéчуьнца [зудбéраца] кхаъ баьккхича , цуьнан юьхь [халахéтé] 1аржло , шá [шен] оьг1азлό сéцош .
59.Шá нáхах [эхь хеташ] лечкъаш , шéна шéца баьккхинчу кхаъан вόнна [х1ун дийр ду ца хууш] . [шéна хуьлучу] Сийсазаллин т1ехь [дийна] 1аддайита-тé шá и [йо1] , йа [йийна д1айаьккхина] лаьттах йолла-тé шá и ? Ма вон хилла-кх цáра ен кхел !
60.Шаьш эхартах цатешачéран вон [ирча] масал [куц] ду . [ткъа] Аллах1ана [массό а áг1ор] лаккхара [тоьлла] масал ду . Иза сийлахьниг , кхéтамéниг [хьéкъалéниг] ву .
61.Аллах1а нáхана шайн зулам бахьанехь та1зар деш делхьара , Цό цу [лаьтта] т1ехь цхьá а дийнат дитина хир [ма] дáцара , делахь а Цό т1аьхьатотту уьш [Шá] ц1етоьхначу хéнé . Ткъа цéран [х1аллак баран] хан еача , [цул] цхьа сахьт т1аьхьá а ца буьсу уьш , [йа] хьалхá а ца бовлу .
62.Цáра Аллах1ана хуьлуьйту [т1ехьарчадо] шайна [шá] ца дéзарг . Цéран меттанаш кхуллу харцό — баккъалла а шайна диканиг ду [áларца]. Дéра [шéкό йόццуш] , баккъалла а царна [жоьжахатин] ц1е [ма] ю , баккъалла а уьш [цу чохь] д1атесна [хир ма] бу .
63.Аллах1όра , бакъдолуш Óха хьоьл хьалхá а бахкийтина къаьмнашка [элчанаш , ткъа] шайт1ано царна хазйира шайн [вон] 1амалш . И [шайт1а] ду тахана [дуьнéнахь] цéран вéрас [г1оьнча] , царна [шаьш] лазош [долу] 1áзап [хир] ду [къéмата дийнахь].
64.Óха ца доссийна хьýна т1е [х1ара] жайна [Къуръáн] , хьоьга царна уьш шéгахь бéкъабелларг билгалдайтархьамá а , [и Къуръáн Дéлах] тéшачу нáхана нийса некъ а , къинхéтам а хилийтархьамá а бен .
65.Аллах1а стиглара [дог1ан] хи доссийна , [т1аккха] цуьнца латта дендина иза [дакъа] деллачул т1аьхьа . Баккъалла а цу [хьόлан] чохь [адамаш деллачул т1аьхьа г1овттόран] билгалό ма ю [шéга ойланца] ладýг1учу нáхана .
66.Баккъалла а шуна , хьайбанашкахь а хьéхам [кхéтам] ма бу . Óха шуна малайо цéран гайшкарчух , кхонá а , ц1ийнá а юккъéра ц1ена шура , молучарна аьхна [чόмехь , тáмехь] йолуш .
67.[иштта Óха маладо шуна] Хурманийн а , кемсийн а стоьмех [доккху мутта а] , аша цуьнах доккху вахош долу малар а , [кхидолу] дика рицкъа а . Баккъалла а цу [хьахийна] чохь [Аллах1 нуьцкъала хиларан] билгало ма ю хьéкъалéчу нáхана .
68.Хьан Дáла накхармозийна [дагчу] хьехна :»Ахьа йé [хьайна накхар] баннаш лаьмнех а , диттех а , цáра [адамаш г1ишлόнех хьайна] ечух а .
69.Цул т1аьхьа ахьа йаа массό а стоьмех [дургал] , хьо лéла хьан Дéлан нéкъашца [Цунна] хьасталой» . Цéран гайшчуьра áрадόлу шен беснаш бес-бесара долу малар , шéгахь нáхана дáрба долуш . Баккъалла а цу [хьахийна] чохь [Аллах1 говза хиларан] билгало ма ю ойлаечу нáхана .
70.Аллах1а [х1уммá дόцучух] кхоьллина шу , цул т1аьхьа [тоьхна хан кхаьчча] д1акхалхадо Цό шу . Шоьх шá гужамаллé [хьéкъалх эшарé , къáналлé] верзόриг ву , цунна х1уммá а ца хаийтархьама [цуьнан] хаарал т1аьхьа . Баккъалла а Аллах1 [халкъ тардан] хууш верг , [цу т1ехь] ницкъ кхόчург ву .
71.Аллах1а тόлийна [хаьржина] шоьх цхьаберш вýкхарна т1ехь рицкъангахь . Ткъа шаьш тόлийнарш [ма] бац шайн рицкъа лур долуш шайн аьттучáра дόладечарна [куьйга к1еларчарна] , шаьш цуьнгахь цхьатерра хила . Аллах1ан зовкх къобал ца до [тов] цáра ?
72.Алллах1а шуна хилийтина шух шайха [болу] зударий , шун зударех шуна бéраш а , бéрийн бéраш а хилийтина . Диканех [ц1енчух] шуна рицкъá а делла . Ткъа харцдолчух [мýха] тéша уьш , Аллах1ан зовкхах а ца тéшаш ?
73.Цáра лолла [1ибáдат] до Аллах1 [1адда] витина , шайн дόлахь стигланашкарá а , лаьттарá а рицкъанех шайна дала х1уммá а дόцучарна , [цу т1ехь] ницкъ ца кхόчучарна .
74.Ма дáладé Аллах1ана [ц1уйх] масалш ! Баккъаллá а Аллах1ана хаа [Шá цхьаъ хилар] , шуна [и] ца хаа [шайн сонталлийна].
75.Аллах1а дáлийна [шуна] масал ; [цхьаъ нéхан] дόлахьволу лай [ву] , шá [цхьанá а] х1уманна т1ехь ницкъ ца кхόчуш [волу , важа] Óха шéна Тхайгара дика рицкъа делларг [ву] , шá цуьнах къайлах а , гуш а харж еш волу . Буй ткъа уьш цхьанийсса ? Хастам бу Аллах1ана . Х1еттé а цáрех дукхахберш [шайна хиндерг] ца хууш бу .
76.[иштта] Аллах1а дáлийна [кхин] масал [а] ; ши стаг , цаьршиннах цхьаъ мотт ца хууш ву , шен [цхьанá а] х1уманна т1ехь ницкъ ца кхόчуш ву , иза бáла бу шен вéрасна . Цό шá миччахьá а хьажийча [верзийча] , диканца ца вόг1у иза . Цхьанийсса вуй ткъа изá а , шá нийсонца омaр деш верг а , шá нийсачу некъа т1ехь а волуш ?
77.Аллах1ан [хууш] ю стигланашин а , лаьттан а къайлé . [къемат дийнан] Сахьтан г1уллакх [ма] дац [шен сихаллехь] — б1аьрган нег1ар тόхар санна бен , я кхин а герга [ду] и [г1уллакх]. Баккъалла а Аллах1 массό а х1уманна т1ехь ницкъ кхόчуш ву .
78.Аллах1а шу áрадаьхна шайн нáнойн кийранашкара , шу х1уммá а хууш дόцуш , Цό шуна хилийтина хазар а , б1аьргаш а , дегнаш а . Шу хила тарло баркалла όлуш .
79.Царна ца гина олхазарш [шаьш] стигалан х1аваэхь [т1éмадевлла] лéлалуш [долу] , уьш [чуэгарха] совца ца до Аллах1á бен . Баккъаллá а цу [масал] чохь билгалό ма ю [Дéлах] тéшачу нáхана .
80.Аллах1а шуна хилийтина шун ц1éношха [парг1ат] чохь1ойла . Хилийтина шуна хьайбанан не1арех [ц1όкарчех] ц1éнош [дан г1ирс] , шуна шаьш [шайца д1адахьа] дай долуш шун новкъадовларан [кхелхина лéларан] дийнахь [хéнахь] а , шун [цхьанхьá даха севцина] кхерч лáцаран дийнахь [хéнахь] а . [Цо хилийтина шуна] Цéран т1арг1анех а , чоьшхá а , месех а салпал а , [цхьана] хáнна [долу] зовкх [бáхам] а .
81.Аллах1а Шá кхоьллинчух шуна 1индаг1 дина , лаьмнех [чохь 1ан] хьéхарш йина , шаьш шу йовхόнах [а , шéлόнах а] лардеш [долу] дýхарш а , шаьш шун ницкъах шу лардеш [долу т1еман] дýхарш [г1аг1анаш] а делла шуна . Иштта , Цό кхόчуш до шуна т1ехь Шен зовкх . Шу муьт1ахь хила тарло .
82.Ткъа уьш [бакъόнах] д1аберзахь , баккъалла а хьýна т1ехь [дерг] билгала [дерг] д1ахаийтар [д1акхáчор] ду .
83.Царна девза Аллах1ан зовкх [къéра бу уьш , х1еттé а] цул т1аьхьа цáра къόбул ца до и , цáрех дукхахберш керста бу [цуьнца] .
84.Оцу дийнахь Óха г1аттор ву х1όр умматах [волу пайхамар] теш , т1аккха шаьш [Дéлах] цатешначарна [бехаказа бовла] пурба лур дац , дохкόбовлар доьхур дац цаьрга .
85.Шаьш зуламдинчарна [жоьжахатин] 1áзап гинчу хéна , царна [и цхьаммό а] дайдийр дац , [йа] уьш [цуьнах] т1аьхьатоттур бац .
86.Шаьш [Дáлла] дéкъахό винчарна шайн дéкъахой гинчу хéна , цáра элира :»Х1ай тхан Дéла ! Х1орш бу-кх [уьш] тхан дéкъахой , όха шаьш Хьо [1адда] витина [шайна 1ибадат дарца] кхойкхуш хилла болу» . Т1аккха уьш цаьрга бистхилира :»Баккъаллá а шу харцлуьйш ма ду» [аьлла].
87.Аллах1é муьт1ахьалла кховдийра цáра оцу дийнахь , д1атилира [д1адéлира] цáрех шá цáра [харц] кхуллуш хилларг .
88.Шаьш [Дéлах] цатешнарш а , Аллах1ан [динан] нéкъах [нáх] юхатоьхнарш а , Óха уьш [шайна дόг1учу] 1áзап т1é [кхин а] 1áзап даларца совбόхур бу , уьш [динна] бόхамаш беш хиларна .
89.Оцу дийнахь Óха г1аттор ву х1όр умматах царна т1ехь , цáрех шайха [волу] теш , Óха хьо вáлор ву х1окхарна т1ехь теш [хилла] , Óха доссийна хьýна т1е жайна массό а х1ума билгалдархьамá а , бусулбанашна нийса некъ а , къинхéтам а , кхаъ а хилийтархьамá а .
90.Баккъаллá а Аллах1а омaр до нийсонцá а , дикадарцá а , гергарчунна [сáг1а] даларцá а , Цό сацаво [юхатýху] боьхачух [дáстамéчух] а , [хьéкъалца] цадόг1учух [сийдόцучух] а , зуламах а , Шá шуна хьéхам беш . Ашa хьéхам эца тарло .
91.Ашa кхόчуш йé Аллах1аца [йина йолу] ч1áг1ό , шаьш [и] ч1áг1ό йича , ма къáрбé дуйнаш [шаьш] уьш ч1аг1бинчул т1аьхьа , бакъдолуш ашa [ван ма] вина Аллах1 шайна т1ехь юкъархό [дόладархό , вéрас] . Баккъалла а Аллах1 хууш ву [шуна] ашa дийриг .
92.Шу ма хила шен [эханган] уьйриг дикка шá хьовзийнчул т1аьхьа дáкъошка [и] баьстинчух тера , шайн дуйнаш шайна юккъехь [вовший] лéдарна [1éхорна] шаьш лоьцуш , цхьа тόба [кхéчу] тόбанал сов [áлсам] хилархьама . Баккъаллá а Аллах1а зуьйш ду шу цуьнца . Цό шуна къéмата дийнахь билгалдийра ма ду шу [дуьнен чохь] шéгахь дéкъалуш хилларг .
93.Аллах1ана лиънéхьáра , Цό шу цхьа уммат дина хир ма дара . Делахь а , Шéна луург тилаво Цό , Шéна луург нисво . Шоьга [къéмата дийнахь жоп] хоттур ма ду ашa [дуьнéнахь] деш хиллачух .
94.Ашa ма лéца шайн дуйнаш шайна юккъехь [вовший] лéдарна [1éхорна] , т1аккха шун ког шершар бу шен ч1аг1баларал т1аьхьа , [т1аккха] аша вон [1áзап] 1овшур ду шаьш Аллах1ан нéкъах [нáх] юхатόхарна , доккха 1áзап [хир] ду шуна .
95.Ашa ма эца [ма хийца] Аллах1аца [йина йолчу] ч1áг1όнах к1еззиг [болу] мáх . Баккъаллá а Аллах1ана гергахь [дерг] иза дика ду шуна , шу хууш хиллехь .
96.Шуна гергахь дерг кхáчало , Аллах1ана гергахь дерг [гуттареннá а] бухадуьсу . Сатоьхначарна шайн ял д1алур ма ю Óха , цáра деш хиллачул а г1όли [дика].
97.Шá диканиг динарг [милла велахь] боьршачух , йа стéчух , шá [Дéлах] тéшаш [муъма] волуш , Óха вáхор ма ву и хазачу дáхарехь , Óха цáрна шайн ял д1алур ма ю , цáра деш хиллачул а г1όли [дика].
98.Айхьа Kъуръáн дешча , хьо ларлό Аллах1аца [Цό Шех] эккхийначу шайт1анах .
99.Баккъалла а цуьнан урхалла [куьйгалла] дац шаьш [Дéлах] тешначарна т1ехь а , шайн Дáлла т1етевжачарна т1ехь а .
100.Баккъалла а цуьнан урхалла ду шаьш цунна муьт1ахь болчарна т1ехь а , шаьш и [Дéлаца] дéкъахό лόцучарна т1ехь а .
101.Óха [цхьана] áйатан метта [и д1аайдина кхин] áйат хийцича — Аллах1 т1ех дика хууш ву Шá доссош дерг — цáра элира :»Баккъалла а хьо [хáрцό] кхуллуш верг ву» . Мелхό а , Цáрех дукхахберш ца хууш бу [цуьнах луург].
102.Ахь áла [цаьрга] :»И доссийна дезачу [ц1еначу Жабрáилан] синό хьан Дéлéра бакъонца , шаьш [Дéлах] тешнарш [шайн иймáнехь] ч1аг1бархьамá а , бусулбанашна нийса некъ а , кхаъ а хилийтархьамá а .
103.[Дéлόра] Бакъдолуш , Тхýна хаа баккъалла а цáра олий :»Баккъалла а , иза [цхьана] адамό 1áмош ву» . Уьш шéга тийжачун мотт — хийра мотт бу . [ткъа] Х1ара [Kъуръáнан мотт] билгала 1арбийн мотт бу .
104.Баккъалла а шаьш Аллах1ан áйаташха ца тéшарш , Аллах1а нис ца бо уьш , царна лазош [долу] 1áзап [хир] ду [къемата дийнахь].
105.Баккъалла а хáрцό кхуллу шаьш Аллах1ан áйаташха цатешачара . Уьш бу уьш харцлуьйш берш .
106.Шá имдиллинчул т1аьхьа Аллах1аца керстаналла динарг [милла велахь] , шéна [цу т1ехь цхьамма] ницкъбинарг вόцург , шен дог ийманца парг1ат долуш , делахь а керстаналлийна шá [шен] нáкха биллинарг — царна т1ехь Аллах1ера оьг1азлό ю , царна доккха 1áзап ду .
107.И [1áзап] , баккъалла а царна эхартал [дукха] дуьнéнан дáхар дéзадаларна ду . Баккъалла а Аллах1а нис ца до керста къáм .
108.Уьш — Аллах1а шайн дегнаш т1é а , шайн лергаш т1é а , шайн б1аьргаш т1é а мух1ар тоьхнарш бу . Уьш бу уьш чидам [тергам] бόцурш .
109.Дéра [шéкό йоцуш] , баккъалла а уьш [ма] бу уьш эхартахь эшнаберш .
110.Т1аккха , баккъалла а хьан Дéла , шаьш [халόнашца] зийначул т1аьхьа [шайн] махкахбевлачарнá а , т1аккха [керстанах] леттачарнá а , [цу т1ехь] сатоьхначарнá а , баккъаллá а хьан Дéла цул т1аьхьа [царна] гечдийриг , къинхéтам бийриг ма ву .
111.Оцу дийнахь массό а са дόг1ур ду шен дег1 доьхуш [и бехказдόхуш] . Х1όр синна [бéкхамна] лур ду цό шá динарг , царна зулам дийр дац [цу т1ехь].
112.Аллах1а масална [цхьа] юрт йáлийна, шá маьрша , парг1ат хилла [йолу] , шен рицкъа массό а меттигéра шорта шéна т1едόг1уш [йолу , х1еттé а] керстаналла дира цό Аллах1ан зовкхашна , т1аккха Аллах1а цуьнга 1овшийтира [лáйтира] мацаллин а , кхéраман а дýхар , цáра деш хилларг бахьанехь .
113.[Дéлора] Бакъдолуш царна веара шайха [волу] элча , [амма] цáра харцвира иза , т1аккха уьш 1áзапό д1алéцира , шаьш зуламдеш болуш .
114.Аш даа Аллах1а шайна деллачу рицкъанах хьáналниг , ц1енниг , баркалла áла Аллах1ан зовкхана , шу хиллехь Цунна 1ибáдат деш .
115.Баккъалла а Цо шуна [йаа] йихкина [хьáрам йина] къиэелларг а , ц1ий а , хьакхин жижиг а , Аллах1 вόцучунна [ц1етоьхна] йийнарг а . Ткъа шá [и ца йиъча] ца ваьлларг , зуламдеш вόцуш , [дόзанал] т1ех вόлуш вόцуш , баккъаллá а Аллах1 [цунна] гечдийриг , къинхетам бийриг ву .
116.Ашa ма áла — шайн меттанаш харцό кхолларна :»Х1ара — мегаш ду , х1ара — дихкина ду» , шаьш Аллах1ана т1ехь хáрцό кхоллархьама . Баккъаллá а шаьш Аллах1ана т1ехь харцό кхуллурш дéкъал хир бац .
117.[цéран дáхар] К1еззиг [долу] зовкх ду , царна лазош [долу] 1áзап ду .
118.Шаьш жуьгтийн динехь хиллачарна Óха [хьáрам йина] йихкина Тхаьш хьоьга хьалха [деанчу áйатехь] йийцинарг , Óха зулам ца дина царна , делахь а уьш [шаьш] бара [1éсахиларца] шайн дог1машна зуламдеш .
119.Т1аккха , баккъаллá а хьан Дéла , ца хууш шаьш вόниг динчарнá а , цул т1аьхьа дохкόбевллачарнá а , диканиг динчарнá а — баккъаллá хьан Дела цул т1аьхьа [царна] — гечдийриг , къинхетам бийриг ма ву .
120.Баккъалла а Ибрáх1им [Дáлла] муьт1ахь [волуш] имам хилла , [шá] Аллах1é [Цуьнан нийсачу динé] туьйжуш [тé1аш] , и ца хилла [Дéлаца] дéкъахό вечáрех ,
121.Цуьнан зовкхашна баркаллé [волуш] . Цό [харжá а] хаьржина иза , нис а вина и [Шен] нийсачу новкъа .
122.Óха делла цунна дуьнéнахь дика , баккъалла а иза эхартахь а ма ву дикачáрех .
123.Т1аккха Óха хьехна хьоьга :»[Дéлан динé] Туьйжуш [волчу] Ибрáх1иман динна т1аьхьах1отта , и ца хилла [хьуна Дéлаца] дéкъахό вечáрех .
124.Баккъалла а шоьтан де [лáрар] шаьш цуьнгахь бéкъабеллачарна т1ехь [дéкхар] дина . Баккъалла а хьан Дáла царна юккъехь кхел йийр ма ю къéмата дийнахь , уьш шéгахь бéкъабелла хиллачуьнгахь .
125.Ахьa кхайкха [адамаш] хьан Дéлан [динан] нéкъé кхéтамцá [хьéкъалцá] а , хазчу хьéхамцá а . Ахьa къовса цаьрца шá и дика долчуьнца . Баккъалла а хьан Дéла — Иза т1ех дика хууш [бевзаш] ву Шен нéкъах тилларг мила вý а , Иза т1ех дика хууш [бевзаш] ву нисбелларш [муьлш бý] а .
126.Шаьш [цхьанна] та1зар дича , ашa [цунна] та1зардé шайна [цό] та1зар ма-дарра , [Дéлόра] ашa сатόхахь , иза г1όли ма ду сатýхучарна .
127.Сатόха , хьан сатόхар ма дац Аллах1аца бен , г1айг1а ма йé царна , хьо ма хила саготта цáра йечу мéкарлонна [ямартлонна].
128.Баккъалла а Аллах1 , шаьш [Шех] кхийранчарцá а , шаьш дикадечарцá а ву .
27/12/2015