Хьан зуда хьо воцчун кхин цхьанне ма яц. Цундела, хийрачу божарийн бIаьргех ларъеш дIахьулъе иза, хьо яхь, эмгаралла йолуш велахь!

Абул-Фараж ибн ал-Жавзийс (АллахIа къинхетам бойла цунах) аьлла:

«Варийлахь, Iилма а доцуш Iибадат дарах ларлолахь! Бакъдолуш, дукхах болу суьпа нах а, суфисташ а Iилма а доцуш Iамал яр бахьанехь нийсачу новкъах тилла хьуна».

«إياك أن تتشاغل بالتعبد من غير علم ، فإن خلقاً كثيراً من المتزهدين المتصوفة ضلوا طريق الهدى إذ عملوا بغير علم»

Сайдул-хатIир, 512.

«Цхьана махкахь я кIоштахь Iилма даьржича, цигарчу нахана юкъахь вон хIуманаш лахло. Ткъа цигара Iилма дIадаьлча, вон мел дерг а, телхина мел дерг а даьржа цигахь».

.وإذا ظَهَرَ العِلْمُ ‌في ‌بَلَدٍ ‌أو ‌مَحَلَّةٍ قَلَّ الشَّرُّ في أهْلِها، وإذا خَفَى العِلْمُ هُناكَ ظَهَرَ الشَّرُّ والفَسَادُ

Имам Ибнул-Къаййим — ИIла́мул-мукъиIийн, 5/257.

Абу ХIурайрата (АллахI реза хуьлда цунна) дийцина, АллахIан Элчано (ﷺ) элира аьлла: «АллахIана уггаре дукха езаш йолу меттигаш маьждигаш ду, ткъа АллахIана уггаре ца езаш йолу меттигаш базарш ю». Муслим, 671.

Имам ан-Нававис (АллахIа къинхетам бойла цунах), аьлла: “«АллахIана уггаре ца езаш йолу меттигаш базарш ю», хIунда аьлча цигахь пуьташ а, Iехор а, риба а, харц дуйнаш даар а, дош ца лардар а, АллахI ца хьехор а долун дела, уьш доцург кхин а царех тера хIуманаш долун дела.
Маьждигаш къинхетам буссу меттигаш ю, ткъа базарш цу къинхетаман бIостане хIуманаш долу меттигаш ю”.

Шархьун-Нававий Iала́ сахьихьи Муслим, 5/171.