ШИНА БЕШАН ДА

БисмиллáхIир рахьмáнир рахьи́м

МухIаннад: Сан да, сихха дийцар дIадоладехьа, со чIогIа шовкъийла ву..

Да: МухIаннад, сих ма лолахь!

Са́ра: Тахана тхуна хIун дуьйцур ду ахь, сан да?

Да: Ас шуна дуьйцур ду шина бешан ден дийцар.

Мухьаммад: Дийцахь тхуна сихонца!

Са́ра: ХIаъ, сихонца, сихонца.

Да: Цхьана дийнахь кхузахь цхьа хьал долуш стаг хилла. Йоккха ши беш хилла цуьнан, дукха дитташ а, дийна ялташ а долуш. Дохка, тайп-тайпана стоьмаш а хилара цунна оьцу бешара. ХIокху мах барха дуккха а са́ йолуш даьхни хилара цунна, амма иза АллахI (Сийлахь-веза ву И) цхьаъ веш а, Цунах тешаш а вацара.

Мухьаммад: Цул тIаьхьа хIун ду?

Да: Цхьана дийнахь, шина бешан дас элира цхьана къечу, АллахI (СийлахI-веза ву И) цхаъ веш а, Цунах тешаш а волчу стаге.

Шина бешан да: Со чIогIа хьал долуш ву. Сан дукха даьхни а, ба́хам а бу. Йоккха ши беш а ю. Сан куьйга кIел болх беш йоккха тоба белхалой а, хьадалчаш а бу. Ткъа хьо къен стаг ву, сан долчуха хIумма́ а до́лахь долуш вац хьо.

Са́ра: ЭхI, стеган сий дойу хIара къамел дина цо цуьнга?! Баккъалла а, ма къиза стаг хилла-кх иза!

Да: Деккъа хIара хилла ца Iа иза. Муххале а, бешахь ша хьожуш чекхволуш цо аьлла:

Шина бешан да: ХIара сан исбаьхьа беш ца хедаш, даим заза доккхуш лаьттар йолуш ю. Цхьа́ а вац ницкъ кхочур болуш цунна бохам а, зе а дан, мел ницкъ болуш и велахь а.

Мухьаммад: Сан Дела, хIара товш доцу дешнаш аьлла цо?!

Нана: Сан жима кIант, цецма вала хьо! Иза Дела цхьаъ веш а, Цунах тешаш а ма вац. Цундела цуьнгара муьлхха хIума а да́ларе хьежа хьо.

МухIаннад: Хетарехь шовкъийла веш дийцар ду иза, сан да, сихха дийцахь тхуна и.

Мухьаммад: Къечу стага жоп муха делла цунна, дерриг хIара къамел шена хезначул тIаьхьа?

Да: ГIиллакхехь, цунна хьехам бан хIоьттина иза, хIокху дешнашца:

Къен стаг: Сан ваша, хьайха тоаме ма хила. Диц ма де, баккъалла а, хьо кхоьллинарг АллахI (Сийлахь-веза ву Иза) хилар. Хьоьгахь долу ниIматаш дерриге а хьуна делларг И АллахI ма ву. Иза (Ницкъ болуш а, Воккха а ву И) баккъалла а, хIара ши беш Цо хьуна яларха терра, ницкъ болуш ма ву И, цаьршинан диканах хьо ваккха а (хадо), хьох къен стаг ван а, цхьана а хIуманан да а воцуш. Цундела АллахIах  кхера, юха хIара санна долу къамел а ма де. Хьо хьайн беша ваьлча, цуьнан сурт хьуна хаза а делча, АллахIана (Сийлахь-веза ву И) цIе яккха, «Ма́ша́ АллахI, ла́ къуввата илла билла́хI» але.

«Ма хаза́ а, тайна а ю хьо (беш), АллахIана ма лаъара! АллахIаниг бен ницкъ бац».

Да: Шина бешан дас цунна жоп луш, элира:

Шина бешан да: Докъазалла хьулда хьуна, хIай стаг, хIун дуьйцу ахь?

Да: ТIаккха АллахI цхьаъ вечо а, Цунах тешачо а элира:

Къен стаг: Хьуна хезнарг боху ас. Со хууш ву АллахI (Сийлахь-веза ву Иза) ницкъ болуш хилар, стиглара цунна тIе Iазап а даийтана и хIаллак ян я цунна гонахара хинан татолаш дакъадалийта. ТIаккха цунна дилла хи мичара дохьур ду ахь?

Са́ра: Делахь а, цул тIаьхьа хилларг хIун ду?

Да: Муъма стаг кхоьруш хилларг доьжна-кх. Шина бешан да самаваьлча, и шиъ юьззина хIаллак йина карийра цунна. АллахIа Шена гергара хIаллак хилар (Iазап) хьажийнера оцу шина бешана тIе, таIзарна, цаьршина да керстаналла деш а, дуьхьал а хиларна.

Шина бешан да: ХIара хIун ду? Сан шина бешана хилларг хIун ду? Суна гуш дерг бакъ хеташ вац со. Къечу стеган къамеле ла́ а доьгIна, Iа́ламийн да́ волчу АллахIе ийман диллина делира ас.

Мухьаммад: ХIара цавашаран а, дуьхьал ва́ларан а бекхам бу.

МухIаннад: Ма вон бекхам бу иза!

Да а, доьзал а: Йа́ АллахI, Хьуна шукр динчех а, Хьо хьехийначех а диелахь тхо.. Ами́н!